Një 57-vjeçar ka humbur jetën mbrëmjen e djeshme në Elbasan pasi është përplasur nga një makinë në sheshin “Gensher”.
Lidhur me ngjarjen e rëndë policia ka shpallur në kërkim drejtuesin e mjetit, i cili është larguar menjëherë pasi ka përplasur 57-vjeçarin.
Sipas policisë, mjeti drejtohej nga një 20-vjeçar, i cili kishte marrë me qira makinën me të cilin shkaktoi aksident. Ndërkohë, autoritetet po punojnë për kapjen e të riut.
Njoftimi i policisë
Nga specialistët e Qarkullimit Rrugor në Drejtorinë Vendore të Policisë Elbasan, u referuan materialet në Prokurorinë pranë Gjykatës së Shkallës Parë Elbasan, dhe po punohet për kapjen e shtetasit:
Sh.B., 20 vjeç, banues në Elbasan, pasi mbremjen e djeshme te sheshi “Gensher”, Elbasan, duke drejtuar mjetin tip “BMË”, të marrë me qera ka aksidentuar këmbësorin shtetasin D.Gj., 57 vjeç, banues në Elbasan, i cili ka ndërruar jetë. Drejtuesi i mjetit pas aksidentit ështe larguar nga vendi i ngjarjes dhe vijon puna për kapjen e tij./ Opinion.al
