Kryesore

“Ekonomia në kolaps”, Basha: Rama merret me gënjeshtra kundër meje


Bëhu pjesë e Grupit Zyrtar të Opinion.al
>> KËTU <<
               Publikuar në : 11:11 - 17/11/20 |
Opi Nion

Kryetari i Partisë Demokratike, Lulzim Basha ka reaguar pas deklaratës së kryeminsitri Edi Rama, i cili i kërkon shpjegim për akuzat e përfshirjes në hetimet ndaj UÇK.

Basha shkruan në një postim në “Facebook” se teksa Rama merret me gënjeshtra ndaj tij, ekonomia e vendit është në kolaps.

Kryedemokrati i referohet një studimi të Fondit Monetar Ndërkombëtar, ku sipas tij, thotë se Shqipëria është ekonomia më pak e kredituar në Ballkan.

Basha thotë se për 7 vite Rama shkatërroi ekonominë dhe për këtë arsye qeveria nuk jep ndihmë financiare për familjet që vuajnë nga kriza. Ai shton se gjithçka do të ndryshojë kur në qeverisje të vijë Partia Demokratike.

Reagimi

Ndërsa Rama merret vetëm me trillime dhe gënjeshtra kundër meje, ekonomia jonë është në kolaps. Studimi i Fondit Monetar Ndërkombëtar tregon se Shqipëria është ekonomia më pak e kredituar në Ballkan.

Për 7 vite me radhë Rama e shkatërroi ekonominë. Kjo është arsyeja pse Rama nuk jep ndihmë financiare për familjet që vuajnë nga kriza. Shqipëria është vendi që u jep më pak ndihmë ekonomike qytetarëve të saj!

Ne do ta ndryshojmë këtë. Ne do ndihmojmë të gjithë qytetarët, biznesin, të vetëpunësuarit, dhe do të sigurojmë ndihmë financiare për çdo familje. Bashkë do sjellim shpresë të re për Shqipërinë!/ Opinion.al

Pas