Bota

Efektiviteti 90% i vaksinës kundër COVID-19, reagon Fauçi


Bëhu pjesë e Grupit Zyrtar të Opinion.al
>> KËTU <<
               Publikuar në : 18:35 - 09/11/20 |
Opi Nion

Kompanitë Pfizer dhe BioNTech njoftuan sot se vaksina anti-COVID e zhvilluar prej tyre ofron 90% mbrojtje ndaj koronavirusit.

Lidhur më këtë lajm ka reaguar specialisti kryesor i sëmundjeve infektive amerikane dhe drejtor i Institutit Kombëtar të Alergjisë dhe Sëmundjeve Infektive, Anthony Fauci.

Ai u shpreh gjatë një konference me gazetarët se ky është një lajm i mirë i cili do të ndihmojë njerëzimin.

Fauci vlerësoi se vaksina që po zhvillohet nga Moderna mund të ketë efikasitet të ngjashëm me vaksinën Pfizer sepse bazohet në teknologjinë mARN.

Fauci ka deklaruar herë pas here se një vaksinë me efikasitet 50-60%, duke pasur parasysh ashpërsinë e pandemisë, do të ishte e pranueshme.

Pfizer dhe BioNTech raportuan sot se një provë klinike që përfshin dy grupe vullnetarësh (ata të vaksinuar dhe ata që marrin placebo) tregoi një efikasitet të vaksinës prej më shumë se 90% shtatë ditë pas dozës së dytë.

Kjo do të thotë që mbrojtja ndaj infeksionit Covid-19 arrihet 28 ditë pas vaksinimit fillestar, i cili përfshin dy doza.

CEO i Pfizer, dr. Albert Burla e përshkroi 90%-shin “Një ditë e rëndësishme për shkencën dhe njerëzimin”.

Lajmet për efektivitetin e vaksinës së provës kanë shkaktuar një furi reagimesh në tregjet ndërkombëtare.

Pas