Kronikë

Efektivi i RENEA-s u kap me 1 kg kokainë, Policia jep detajet


Bëhu pjesë e Grupit Zyrtar të Opinion.al
>> KËTU <<
               Publikuar në : 20:40 - 14/05/21 |
Opi Nion

Policia e Tiranës ka dhënë informacion zyrtar në lidhje me arrestimin e efektivit të RENEA-s, Xhulio Liçi, të cilit iu sekuestrua 1 kg kokainë.

Në kuadër të operacionit të koduar “BARON” ranë në pranga dhe dy persona të tjetrë, të identifikuar Luan Gaçi 43 vjeç, banues në Vorë dhe Ded Nimani, 62 vjeç, banues në Tiranë, me precedent të mëparshëm penal në fushën e narkotikëve.

Policia sqaron se shtetasit D.M dhe L.G, në bashkëpunim me njëri-tjetrin  merreshin me veprimtari kriminale  në fushën e narkotikëve konkretisht duke blerë kokainë në sasi 1 deri në 2 kilogramë,  dhe më pas duke e shitur atë në zona të ndryshme të Tiranës ,si dhe në kufi me qarkun e Durrësit me qëllim shmangien e prezencës policore, kanë organizuar punën duke i mbajtur nën vëzhgim.

Në aksin rrugor Tiranë -Durrës, rruga e vjetër në zonën e Ndroqit , shtetasi Xhulio Liçi dhe Ded Nimani, janë kapur në flagrancë së bashku me shtetasin Luan Gaçi me një pako lëndë narkotike Kokainë.

Në cilësinë e provës materiale u sekeustrua lënda narkotike me peshë totale 1 kilogramë e 88 gramë, dy automjete, pesë aparate celular dhe një armë zjarri pistoletë me municion luftarak.

Nën drejtimin e Prokurorisë vijon puna për identifikimin dhe kapjen e personave të tjerë të përfshirë në këtë veprimtari kriminale.

Materialet i  kaluan Prokurorisë  së rrethit Gjyqësor Tiranë për veprime të mëtejshme për veprën penale “Prodhim dhe shitja e narkotikëve” e kryer në bashkëpunim./ Opinion.al

Pas