Bota

E tradhtoi me ish të dashurën, 31 vjeçarja hedh partnerin nga ballkoni



Bëhu pjesë e Grupit Zyrtar të Opinion.al
>> KËTU <<
               Publikuar në : 16:03 - 22/07/22 |
Opi Nion

Një 21-vjeçar britanik ka humbur jetën pasi është hedhur nga ballkoni i hotelit nga e dashura e tij kur ishin me pushime.

Mendohet se para fundit tragjik të 21-vjeçarit, ata janë grindur me njëri-tjetrin brenda hotelit në Antalia të Turqisë.

Shkak i zënkës dyshohet se ka qenë tradhëtia, pasi partnerja e tij mësoi se Reece Pegram e kishte tradhtuar me ish- të dashurën.

Ndërkohë pas hetimeve të policisë janë konstatuar njolla gjaku të përhapura kudo në dhomë, nga ngjarja e ndodhur në 12 mars.

Ndërsa, stafi i hotelit raportoi se çifti kishin pirë shumë përpara ngjarjes dhe se Kayley, 31 vjeçe, me origjinë skoceze, u tha se ishte aq e dehur sa duhej të dërgohej në dhomën e saj nga stafi i hotelit,

Nga ekzminimet e bëra në trupin e Pegramit janë gjetur edhe gjurmë kokaine.

Kayley do të dënohet me 24 vjet burg për veprën penale “Vrasje”, edhe pse gjatë marrjes në pyetje nga policia mohoi që ta ketë vrarë 21-vjeçarin.

Ndër të tjera, ajo tha se njollat ​​e gjakut në dhomë ishin nga prerja aksidentale e gishtit të madh të dorës ndërsa hynte në dush.

Ajo pranoi faktin se kishte pasur debat me Pegramin pasi zbuloi se ai e kishte tradhtuar me ish të dashurën. Por më vonë ndryshoi versionin e saj të ngjarjeve, duke pretenduar se prerja në dorën e saj ishte shkaktuar nga një gotë e thyer dhe se ata kishin debatuar për përdorimin e drogës. Kayley i tregoi gjykatës se si shkoi në banjë pas sherrit të zjarrtë, por kur u shfaq sërish, i dashuri i saj nuk ishte më aty.

Hayley u tha prokurorëve se Pegram ishte “mbret” i drogës në Britani, duke u përpjekur kështu që ta ulte figurën e tij.

“Reece është një nga tregtarët e rëndësishëm të drogës në Angli. Ai pyeti nëse kishte ndonjë vend për të blerë drogë këtu”, tha ajo, teksa shtoi se një ditë para vdekjes së tij, ai e kishte kërcënuar se do të hidhej nga ballkoni, por ajo kishte arritur ta parandalonte ngjarjen.

“Reece donte të bënte vetëvrasje sepse kishte probleme psikologjike”, tha Kayley në një deklaratë.

Gjykata urdhëroi të pandehurën t’i nënshtrohej një vlerësimi të shëndetit mendor.

Prokurorët besojnë se Kayley vrau të dashurin e saj nga xhelozia dhe po kërkojnë dënim të përjetshëm. Në Turqi, afati minimal pa lirim me kusht për një të burgosur të përjetshëm është 24 vjet.

 

 

Pas