Të gjithë fëmijët e mëdhenj janë mburrur me faktin se të qenit gëzimi i parë i prindërve, i bën ata automatikisht të preferuarit e tyre. Epo argumenti “gëzim i parë” është hedhur poshtë nga një studim i fundit, ku sipas shkencëtarëve të preferuarit e prindërve janë fëmijët e vegjël.
Nëse fëmija i vogël ndihet si më i preferuari dhe prindërit ia konfirmojnë këtë, lidhja mes tyre është shumë e fortë. E kundërta ndodh kur ata ndiejnë që nuk kanë vëmendjen që do të donin të kishin. Ndërsa me fëmijën e parë të familjes ndodh ndryshe. Marrëdhënia e tyre me prindërit nuk ndikohet aspak nga mendimi i tyre nëse janë apo jo më të preferuarit. Ata nuk rrinë duke menduar gjatë për këtë.
Studiuesit besojnë se kjo vjen për shkak të krahasimit social, fëmijët e vegjël të familjes priren gjithnjë ta krahasojnë veten me motrat apo vëllezërit e tyre më të mëdhenj dhe tentojnë të sillen edhe më mirë se ata.
Kjo përforcohet më shumë dhe prej faktit se prindërit zakonisht i referohen fëmijës së madh kur duan t’i japin një shembull të voglit. Pra më shpesh dëgjojmë t’i thuhet fëmijës së vogël të ndjekë shembullin e të madhit dhe pak më rallë e kundërta.
