Lulzim Basha në një dalje për mediat ka hedhur akuza ndaj ish-kryeministrit Berisha se po përdoret si tub oksigjeni dhe patericë e Edi Ramës. Basha e konsideroi Berishën një ish-komunist duke e theksuar disa herë këtë argument, ndërsa tha në mbyllje të fjalës së tij, se Berisha e nisi karrierën me dy tesera në xhep dhe po e mbyll si non grata.
“E nisi karrierën në PD me dy tesera në xhep dhe po e përfundon si një njeri i shpallur non grata nga SHBA, tha Basha.
Duke ju drejtuar Berishës, ai tha se tashmë koha e tij është ndalur.
“Ke kuptuar se koha jote është ndalur, e ke ndalur vetë. Kemi shkelur mbi standardet tona. Hiq dorë nga të qenit tub oksigjeni për Edi Ramën. Çliroji ata demokratë pakicë që ke manipuluar të vijnë në kuvendin e demokratëve më 18 Dhjetor”, tha Basha./Opinion.al
