E mitura nga Kavaja, që u abuzua seksualisht nga shokët e shkollës, ka mbërritur këtë të shtunë në gjykatën e Durrësit, dhe për rreth tre orë e gjysmë ka rrëfyer dhunën dhe abuzimin e përjetuar. Në dëshminë e saj e mitura i ka qëndruar deklaratave të saj të dhëna në polici.
Me kërkesën e Prokurorisë, gjykata vendosi të pyesë të miturën, dëshmia e së cilës do të përdoret si provë në procesin ndaj personave të implikuar në krimin tronditës.
Sigurimi i padisë u krye për të shmangur tentativa për kërcënimin e të dëmtuarës, apo tërheqjen e padisë nga ana e saj për shkak të traumave të pësuara. Në disa raste gjatë marrjes në pyetje gjykata është detyruar të ndërpresë rrëfimin, pas shqetësimeve të shfaqura nga ana e vajzës./E.M
