Edhe pak ditë në detyrë si Zvendës/kryeministër, Erion Braçe, duket se është bërë shumë aktiv në rrjetet sociale.
Pasi një ditë më parë reagoi për të hënën që ishte ditë pushimi për administratën që vinte nga shenjtërimi i Nënë Terezës, sot që përkon me të martën e mirë të Shën Ndout, Braçe ka dhënë një mesazh. Ai thotë se duhet të punosh, shërbesh për cilindo që është në nevojë, cilindo ndaj të cilit ke përgjegjesinë e detyrën ta bësh, cilindo që të ka besuar jetën, familjen, punën, arsimin e tij e të fëmijeve të tij.
Më tej, Braçe shkruan se nuk duhet ta lemë grykesinë, lakminë të të marrë shpirtin e të të leshojë në veset që tradhetojnë besimin që njerezit ta dhanë pa kufi, vite të tëra me rradhë.
Postimi i plotë
E marta e mirë e Shën Ndout!
Beso, lutu, duaj, puno, shërbe për:
cilindo që është në nevojë,
cilindo ndaj të cilit ke përgjegjesinë e detyrën ta bësh,
cilindo që të ka besuar jetën, familjen, punën, shëndetin, arsimin e tij e të fëmijeve të tij;
ME NDER, DINJITET, INTEGRITET, PASION, PËRKUSHTIM, BARAZI!
Mos e ler grykesinë, lakminë të të marrë shpirtin e të të leshojë në veset që tradhetojnë besimin që njerezit ta dhanë pa kufi, vite të tëra me rradhë!
Mirenjohës pafund Zot!
