Pas ngjarjes së rëndë të ndodhur në Tiranë, ku një 32-vjeçar ndërroi jetë pasi u ndje keq në ambientet e komisariatit ka folur babai i të riut.
Në një intervistë të dhënë për “Top Channel”, Artur Kurti ka deklaruar se nuk e ka parë trupin e djalit dhe se 32-vjeçari nuk ka pasur probleme shëndetësore.
Më tej ai akuzon policinë për vdekjen e të birit duke thënë se e kanë mbytur.
Artur Kurti: Nuk e kam parë trupin e djalit, Kam qenë gjithë natën jashtë morgut dhe sot dhe nuk më kanë dhënë asnjë lloj shpjegimi.
Gazetarja: A të kanë kontaktuar autoritetet?
Babai: Cilat autoritete? Ato që e kanë mbytur?! Ku ka këtu shtet. Gjeta ata të shkb-së aty më thanë nuk dimë gjë, kur të bëhen ato… nga ora 10 ose 11 do të të themi.
Gazetarja: Të thanë çfarë ka ndodhur?
Babai: Jo s’më dhanë asnjë përgjigje.
Gazetarja: Ku ishte Laerti?
Babai: Në rrugë të zotit ka qenë o motra ime. Nuk ka qenë asnjë person i rrezikshëm për ta trajtuar në ato lloj formash.
Gazetarja: A ka pasur djali yt probleme shëndetësore?
Babai: Jo asgjë. Djali ka qenë 2 metra si luan.
Sipas policisë, Lear Kurti ndërroi jetë teksa po transportohej nga rajoni i policisë në spital, pasi shfaqi probleme shëndetësore.
