Llesh Deda, 61-vjeçari që u qëllua me sqepar në kokë mëngjesin e 6 nëntorit nga bashkëshortja e tij, Drane Deda ka ndërruar jetë sot në spitalin e Traumës.
Mësohet se menjëherë pas ngjarjes Deda u transportua në Spitalin e Traumës, ku ndodhej në gjendje kome prej dy javësh.
Ngjarja e rëndë ndodhi në fshatin Sanxhak të Kurbinit pas një konflikti mes çiftit. 61-vjeçari shkoi në shtëpi në gjendje të dehur dhe ka debatuar me gruan, Drane Deda, konflikt që më pas ka degraduar në dhunë, dhe në atë moment 58-vjeçarja ka goditur me sqepar të shoqin.
Llesh dhe Drane Deda janë prindër të dhjetë fëmijëve./Opinion.al
