Kryesore

E ëma në vetting, Rudina Hajdari: Uroj ta kalojë, por i përket drejtësisë


Bëhu pjesë e Grupit Zyrtar të Opinion.al
>> KËTU <<
               Publikuar në : 13:01 - 16/06/20 |
el ida

Deputetja demokrate, Rudina Hajdari, u pyet në lidhje me seancën dëgjimore në Komisionin e Pavarur të Kualifikimit, të nënës së saj, Fatmira Hajdari.

Hajdari, deklaroi se kjo është një çështje që i përket drejtësisë duke uruar që ajo ta kalojë vettingun.

“Mamaja ime është përpara drejtësisë ashtu si çdo gjyqtar tjetër dhe unë uroj fort që ajo ta kalojë, por kjo çështje i përket drejtësisë dhe unë jam thjesht vajza e saj dhe i uroj gjithë të mirat. Mbetet një çështje për t’u parë”, deklaroi shkurtimisht Rudina Hajdari në emisionin Dita Jonë në A2 CNN.

Kujtojmë se Gjyqtarja e Gjykatës së Apelit Tiranë, Fatmira Hajdari, ka dalë të hënën para KPK-së, shoqëruar nga dy avokatët e saj Maks Haxhia dhe Ilira Dane. Rivlerësimi i gruas së të ndjerit, Azem Hajdari, bëhet për dy kritere, pasurinë dhe figurën.

Për sa i përket pasurisë, ILDKPI ka deklaruar se nuk ka fshehje të pasurisë, mosdeklarim apo konflikt interesi, por KPK pretendon për disa shuma të pajustifikuara.  Sipas tyre, ka mungesë burimesh të ligjshme pasurie për vite me radhë./Opinion.al

Pas