TIRANE- Kompania franceze Eurocopter ka pezulluar gjithë fluturimet e helikopterëve të saj deri në sqarimin e rrethanave të rrëzimit të helikopterit EC 145 që ra në Shqipëri më 6 Prill. Tv Klan raporton se kompania e mori këtë masë pas aksidentit tragjik ku vdiqën dy pilotë të ushtrisë shqiptare.
Përmes një shkrese që ka mbërritur në Ministrinë e Mbrojtjes si dhe tek të gjithë klientët e tjerë të kësaj kompanie, kërkohet që ky lloj helikopteri (EC 145) të mos ngrihet në fluturim deri në zbardhjen e shkaqeve të aksidentit tragjik.
Aktualisht Forcat tona të Armatosura kanë në përdorim edhe një tjetër EC 145 i cili është pezulluar me urdhër të Eurocopter. Mësohet se kompania ka nderprerë për momentin edhe prodhimin e kësaj linje helikopterësh. Presim sqarimin dhe shkaqet e aksidentit, thuhet në letrën e Eurocopter për Ministrinë e Mbrojtjes, pasi nuk përjashtohet as mundësia e ndonjë defekti tektnik.
