Mandati i dy deputetëve socialistë, Valentina Leskaj dhe Rakip Suli, nuk është i vetmi kusht i vënë nga opozita për rikthimin në tryezën e dialogut politik për Reformën në Drejtësi. Sekretari i Përgjithshëm në Partinë Demokratike, Arben Ristani thotë se zbatimi i vendimeve të Gjykatës Kushtetuese do të jetë një hap i mirë në favor të bashkëpunimit mes palëve, por nuk mjafton.
Dekriminalzimi është një tjetër gur themeli në këtë process, nga ku opozita nuk heq dorë.
Arben Ristani, Sekretari i Përgjithshëm në Partinë Demokratike: “Duhet të shoqërohen edhe me amendamentin tonë për dekriminalizimin. Kjo është një pikë tjetër që ne e kemi në bazën e kushteve, shpresoj që mazhoranca do heqë dorë nga kjo arrogancë. Ka sinjale që mazhoranca do e zbatojë vendimin e Kushtetueses dhe ky do jetë hap i mirë bashkëpunimi, por nuk është e mjaftueshme, sepse shprehja e vullnetit të deputetit se zgjidh, duhet vendimarrje e parlamentit për ta çuar në Kushtetuese. “
Pas kërkesave të dy deputetëve socialistë, Leskaj e Suli, kreu i kuvendit Ilir Meta vendosi të mbledhë Këshillin e Mandateve dhe më pas çështja të kalojë për votim në seancën plenare të së enjtes. Por Konferenca e Kryetarëve e mbledhur në mesditë nuk e diskutoi këtë çështje. /Tv Klan
