Aktualitet

Durrës/ Tërmeti i shkatërroi shtëpinë, qytetari: Ngelëm me lecka në krah


Bëhu pjesë e Grupit Zyrtar të Opinion.al
>> KËTU <<
               Publikuar në : 09:56 - 10/09/20 |
Opi Nion

Familjet të cila pësuan dëmtime në banesat e tyre nga tërmeti tragjik i 26 nëntorit, vijojnë të përballen me kushte të veshtira edhe pse kanë kaluar 9 muaj.

Teksa qeveria deklaron se rindërtimi po vijon me ritme të shpejta dhe se familjet e dëmtuara janë ndihmuar, banorët shprehen se kanë muaj që iu drejtohen institucioneve shtetërore, por deri më tani nuk kanë gjetur zgjidhje për banesat e tyre.

Banori i Durrësit Sadik Resnjaku tregon se ka shkuar disa herë tek bashkia për të mësuar se çfarë do të bëhet me shtëpinë e tij, por nuk ka marrë asnjë përgjigje.

Këto deklarata Resnjaku i bëri gjatë një bashkëbisedimi me kryetarin e degës së Partisë Demokratike në Durrës, Ferdinand Xhaferraj. Aktualisht, familja Resnjaku është e detyruar të lëvizë nga një shtëpi me qira tek tjetra.

 “Që nga 26 nëntori e deri sot janë bërë 9 muaj. Dua të di, kur do fillojnë punimet se më vonë vjen dimër, jo nuk punohet se kohë e keqe, më the të thashë. U bëmë 9 muaj! Ngelëm me lecka në krah. Me qira duke ndërruar shtëpitë. Do bëhet, do bëhet, thotë bashkia. Kemi shkuar disa herë por të vihet pika mbi i, kur do fillojnë punimet. Se tërmeti vërtet ka rënë në shtëpi dhe falenderoj zotin që nuk na mori jetën, e kupton apo jo. Po na ka rënë dhe në tru! Nga ana psikike s’jemi në rregull hiç. Me pleq e me fëmijë të vogël. Gjatë verës që dalin milingonat në rrugë, për sytë e ballit nuk ju rrej, unë i kapërcej se edhe ato kanë shpirt, janë milingona. Ne as sa milingonat nuk konsiderohemi, qënia njerëzore. Kemi punuar një jetë të tërë. Kërkoj me insistim, bashkia të vihet në lëvizje t’i japi drejtim kësaj pune!”, deklaroi Sadik Resnjaku./ Opinion.al

Pas