Katër persona janë arrestuar nga Policia, pasi iu janë sekuestruar 95 kg lëndë narkotike cannabis sativa.
Sipas informacioneve, policia ka identifikuar dy automjete në fshatin Gjadër të Lezhës që dyshonin se transportonin lëndë narkotike. Pas bllokimit të mjetit “BMW”, me drejtues shtetasin K. D., u gjetën dhe u sekuestruan në cilësinë e provës materiale, në sediljen e pasme dhe në bagazh, 95 kg lëndë narkotike, e dyshuar cannabis sativa.
Mjeti tip “BMW” që transportonte lëndën narkotike paraprihej nga 2 mjete të tjera, me qëllim vënien në dijeni në rast konstatimi të pikave të kontrollit nga ana e Policisë.
Nga kontrolli i ushtruar në të tre mjetet u gjetën dhe u sekuestruan në cilësinë e provës materiale 11.000 euro. Po ashtu, në cilësinë e provës materiale u sekuestruan 3 automjete, 8 aparate celularë.
Arrestimet u bënë në kuadër të operacionit “Gjadëri”, i cili u ndërmor pas dyshimeve se një automjet po transportohej lëndë narkotike nga Vlora në drejtim të Shkodrës, me qëllim trafikimin./ Opinion.al
