Kronikë

Drogë e municion luftarak në Korçë, pranga kryeplakut dhe tre të rinjve


Bëhu pjesë e Grupit Zyrtar të Opinion.al
>> KËTU <<
               Publikuar në : 09:04 - 26/08/20 |
Opi Nion

Katër persona janë arrestuar nga Policia e Korçës në kuadër të operacionit antikanabis  të koduar “Polena”. Ndërkohë, është shpallur në kërkim një 18-vjeçar i identifikuar me inicialet D. Z.

Mësohet se mes personave të arrestuar është edhe kryeplaku i fshatit Voskop, i cili akuzohet për “Shpërdorim detyre”, ndërsa gjatë aksionit janë sekuestruar fidanë kanabisi dhe municion luftarak.

Sipas informacioneve, në pranga kanë rënë Muhamet Shaholli, Elvis Shaholli, Ilirjan Zaçe, si dhe kryeplaku Oltian Shaholli.

Pas kontrollit të policisë në vendin e quajtur “Lumi i Mullirit” mbi fshatin Polenë e Vjetër, u gjetën të kultivuara fidanë kanabis, si dhe 65 copë fishekë luftarakë të cilët dyshohet se i kanë kultivuar dhe i posedonin pa leje shtetasit e lartpërmendur në bashkëpunim mes tyre.

Nga kontrollet e mëtejshme konkretisht në banesën e shtetasit I. Z., u gjetën e sekuestruan disa bimë të tjera të dyshuara kanabis të cilat u sekuestruan në cilësinë e provës materiale. Materialet i kaluan Prokurorisë të Rrethit Gjyqësor Korçë për hetime të mëtejshme./ Opinion.al

Pas