TIRANE- Dritan Prifti duke folur në emisionin Opinion të ditës së enjte përmes një lidhje të drejtpërdrejtë me studion tha se kumbari i Kastriot Ismailajt është Ilir Meta. Ai hodhi poshtë akuzat e eksponentëve të LSI-së, të cilët e akuzojnë se është ai personi që ia dha dokumentet agjencisë BIRN. Më tej Prifti sqaroi pozicionin e tij në kohën kur ka qenë Ministër i Energjisë dhe Ekonomisë (në qeverinë Berisha) kohë kur CEZ ishte në Shqipëri dhe kur dyshohet se ka ndodhur edhe megaskandali. “Ilir Meta më ka kërkuar që të negocioj me Jozef Hejsek administratori i CEZ-Albania, që ky i fundit të pajtojë kompaninë DIA, të Kastriot Ismailajt për mbledhjen e borxheve të CEZ”. Kështu deklaroi Prifti në Opnion. Më tej ai i dtrejtoi disa pyetje Metës përmes ekranit: A e keni takuar Kastriot Ismailajn në Pragë; A keni qenë në zyrën e tij?. Dyshimeve të gazetarëve për vertetësinë e fakteve, ai u përgjigj: “Nëse Meta thotë “Jo”, unë kam video që i vertetojnë takimet mes tyre”. Sipas Priftit të gjithë aferat janë bërë kur ai është larguar nga drejtimi i METE-s dhe në vend të tij Berisha ka emëruar Ilir Metën.
Ndër të tjera Prifti tha se “500 mijë euro që DIA ka marrë nga CEZ i ka dërguar në llogaritë bankare të dy kompanive, 350 mijë euro për Nerada SHPK që sipas tij e ka një i afërm i Ilir Metës dhë 150 mijë euro në kompaninë e vëllait të Petrit Ahmetajt që është edhe këshilltar tek ERE.
