Kreu i Drejtorisë së Sigurisë së Informacionit të Klasifikuar, Dorian Tola në Komisionin e Ligjeve ditën e sotme tha se serverat me informacionet e klasifikuara nuk janë prekur nga sulmet kibernetike të Iranit.
Tola tha se sistemet TIMS dhe MEMEX nuk janë të akredituara për trajtimin e informacioneve të klasifikuara dhe nuk duhet të trajtojnë informacione të klasifikuara.
Elisa Spiropali: Zoti Salianji tha që ju thatë që nuk kishte sulme në sistemet e klasifikuara. Ne folëm për sistemet ku ruhen informacionet e klasifikuara. Nuk ka informacion për sulme në këto sisteme.
Flamur Noka: Drejtori e di shumë mirë, TIMS-I, MEMEX-i…
Dorian Tola: Sistemet që ju po përmendni nuk janë sisteme të akredituara për trajtimin e informacioneve të klasifikuara dhe nuk duhet të trajtojnë informacione të klasifikuara.
Flamur Noka: Sa i morët ju si qeveri jua hakeruan. E kupton sa e rëndë është kjo?
Dorian Tola: Dua të konfirmoj atë që dha ministrja që sistemet që trajtojnë informacion të klasifikuara deri më tani nuk kemi të dhëna për kompromentim
Flamur Noka: Po ça ministrja, ti je drejtor
