Aktualitet

Doza e tretë e vaksinës, Manastirliu tregon se kur do të merret vendimi


Bëhu pjesë e Grupit Zyrtar të Opinion.al
>> KËTU <<
               Publikuar në : 10:57 - 21/10/21 |
Opi Nion

Ministrja e Shëndetësisë Ogerta Manastirliu ka folur nga Shkodra lidhur me protokollin e bërjes së dozës së tretë të vaksinës anti-COVID.

Manastirliu tha se Komitetit Teknik të Ekspertëve merr rekomandime nga Komiteti Teknik i Vaksinimit, e cila gjithashtu, sipas saj, ka ulur dhe fashën e grupmoshave që duhet të marrin vaksinën.

Por, për të gjithas këto, ditën e nesërme do të mblidhet Komitetit Teknik të Ekspertëve që do të marrë dhe vendimet.

Ministrja thotë se vaksina është rekomanduar dhe për grupmoshat plus 12 vjeç dhe që kanë probleme shëndetësore. Më tej, ajo theksoi se vaksinimi është arma e vetme që ne kemi për t’u mbrojtur nga COVID-19 dhe se të pavaksinuarit janë mbi 95% të rasteve në spitale.

“Vaksinimi është një sfidë mbarë globale dhe patjetër është një sfidë dhe për vendin tonë.
Është e vërtetë, është mbledhur Komiteti Teknik i Vaksinimit të cilët kanë diskutuar dhe kanë rekomanduar përgjatë fundjavës të shkuar, realizimin apo vendosjen në protokoll të dozës së tretë, ose të dozës booster siç quhet ndryshe. Kanë rekomanduar gjithashtu edhe uljen e fashës të grupmoshës për vaksinim, plus 16 vjeç dhe kanë diskutuar gjithashtu dhe kanë rekomanduar edhe vaksinimin plus 12 vjeç, por vetëm për ata fëmijë që kanë problematika shëndetësore. Këto rekomandime të cilat kanë dalë nga Komiteti Teknik i Vaksinimit do të diskutohen ditën e nesërme dhe do të ketë një vendim të Komitetit Teknik të Ekspertëve për përgjigjen ndaj COVID-19 dhe do të kemi dhe një njoftim dhe për vendimet që do të marrë ky Komitet. Apel të rëndësishëm për çdo grua në këtë tetor rozë të ndërgjegjësimit për kancerin e gjirit dhe çdo grua mbi 40 vjeç të bëjë ekzaminimet. Jemi në të gjithë Shqipërinë për të ndërgjegjësuar e sensibilizuar gratë për ta kryer këtë kontroll. Pandemia ka sjellë një lloj neglizhence në këto kontrolle rutinë. Jemi në Shkodër për të parë nga afër punën si ecën puna në strukturën e poliklinikës ku është instaluar mamografia e re”,-
tha Manastirliu./ Olpinion.al

Pas