Bota

Donald Tusk: BE e gatshme të dëgjojë idetë e Boris Johnson për Brexit


               Publikuar në : 17:23 - 24/08/19 |
xhu lia

Presidenti i Këshillit Evropian, Donald Tusk ka thënë se BE do të dëgjojë idetë e kryeministrit britanik, Boris Johnson  lidhur me Brexit, gjithnjë nëse ato janë “realiste”.

Gjatë një konferencë të Samitit G7, Tusk tha se nuk do të bashkëpunojë për Brexit nëse nuk arrihet një marrëveshje. Tusk dhe Johnson pritet të takohen të dielën për të diskutuar Brexitin.

Që kur mori mandatin, Johnson ka insistuar se Britania do të largohet nga BE-ja më 31 tetor. Tusk kishte thënë se Johnson është kryeministri i tretë që i duhet ta takojë që kur Britania votoi për të dalë nga BE-në vitin 2016.

“Ne jemi të gatshëm të dëgjojmë ide që janë funksionale. realiste dhe të pranueshme për të gjitha shtetet anëtare të BE-së. Shpresoj se kryeministri Johnson nuk do të mbetet në histori si ‘Zotëri pa marrëveshje”,-është shprehur Tusk.

Kryeministri Johnson dëshiron të rinegociojë Irlandën, një pikë kyçe e marrëveshjes së Brexit-it që ka për qëllim të parandalojë një kufi të mundshëm në ishullin e Irlandës pas Brexit-it. Më herët Johnson i ka thënë funksionarëve të BE-së se plani për të krijuar ndalesë në kufirin irlandez, duhet të pezullohet, pasi është “i paarritshëm” dhe “jodemokratik”.

Në një letër të nisur drejt presidentit të Këshillit Evropian, Donald Tusk, Johnson ka thënë se ndalesa që synon të parandalojë krijimin e një kufiri mes Republikës së Irlandës dhe Irlandës Veriore, rrezikon dëmtimin e procesit të paqes në atë zonë. Nëse ky plan largohet nga diskutimi, ai ka pretenduar se marrëveshja për Brexit do të miratohet në Parlament.

Pas