Aktualitet

Dokumente false në Ambasadën e SHBA, jepet masa e sigurisë për 41-vjeçarin


               Publikuar në : 18:29 - 24/08/19 |
Al Do

Gjykata e Tiranës ka vendosur të lërë në burg Agron Selmanin deri në përfundim të hetimeve. Ai akuzohet për veprat penale të “Mashtrimit” dhe “Falsifikimit të dokumenteve”.

Selmani, 41 vjeç, ishte përzgjedhur nga lotaria amerikane por një problem me dokumentacionin e dorëzuar në ambasadë çoi në arrestimin e tij. Shërbimi Diplomatik i Sigurisë DSS zbuloi se mes dokumenteve të dorëzuar në Ambasadën Amerikane për të marrë vizën, Selmani kishte edhe një diplomë të shkollës së mesme “Jordan Misja” në Shkodër. Diploma rezultoi të ishte false kështu që 41-vjeçari u arrestua menjëherë sapo doli nga ambientet e ambasadës ku ishte paraqitur për të dhënë intervistën për të marrë vizën.

Ditën e sotme gjyqtari Sokol Tona dha masën e sigurisë “Arrest me burg” për të. Ky është rasti i dytë i përpjekjes për mashtrim në dokumentacion që zbulohet brenda këtij muaji, dhe që konsiderohet një krim i rëndë në SHBA, dhe që parashikohet si vepër penale edhe në Kodin Penal shqiptar. /Opinion.al

Pas