Aktualitet

Pezullohet tenderi i Unazës së Re, ankimohet kompania


               Publikuar në : 19:37 - 24/08/19 |
Al Do

Komisioni Prokurimit Publik ka pezulluar tenderin për ndërtimin e rrethrrotullimit të Shqiponjës pas ankesës së kompanisë Alb Building.

Tetë kompani morën pjesë në tenderin e zhvilluar më 22 korrik për lotin e Unazës së Re ku përfshihet rrethrrotullimi i Shqiponjës. Nga ofertat e paraqitura më e ulëta ishte ajo e Alb Building me 1.72 miliardë lekë ose 14.2 milionë euro, ndërsa e dyta ishte e Salillarit me 1.77 miliardë lekë.

Pas shqyrtimit të ofertave ARRSH skualifikoi katoi dy oferta për mospërmbushje kriteresh dhe tenderi u fitua nga kompania “Vëllezërit Hysa” me ofertë rreth 18 milionë euro.

Por kompania Alb Building e ka ankimuar shpalljen e fituesit nga Autoriteti Rrugor në Komisionin e Prokurimeve. Siç parashikon procedura, shpallja e fituesit dhe lidhja e kontratës pezullohet menjëherë deri në marrjen e vendimit përfundimtar pas shqyrtimit të dokumenteve.

Ky është tenderimi i tretë i rrethrrotullimi të Shqiponjës. Në rastin e parë fituese u shpall kompania fantazim “DH Albania” por kjo procedurë u anulua pas publikimit të skandalit të falsifikimit të dokumenteve. Në rastin e dytë kostoja e ndërtimit zbriti nga 20 në 14 milionë euro por ARRSH i skualifikoi të gjitha ofertat si të pavlefshme. Në rastin e tretë u njoftua se projekti do të ndryshonte duke bërë një nënkalim në vend të mbikalimit të parashikuar fillimisht, por megjithatë vlera e projektit ngeli si e mëparshmja. /Opinion.al

Pas