Aktualitet

“Doli të pinte kafe,s’do takonte njeri”, flasin familjarët e Behar Sofisë


Bëhu pjesë e Grupit Zyrtar të Opinion.al
>> KËTU <<
               Publikuar në : 09:30 - 26/02/21 |
Doriana Çepunaj

Pas ngjarjes se rëndë të ndodhur në kryeqytet ditën e djeshme, ku u vra në një atentat mafioz 66-vjeçari, Behar Sofia, policia ka marrë në pyetje familjarët e viktimës.

Mësohet se ata janë marrë në pyetje nga autoritetet pasditen e djeshme. Ndërkohë bëhët me dije se familjarët kanë mohuar të kenë patur konflikte apo kërcënime kohët e fundit.

Në dëshminë e dhënë përpara oficerëve të policisë njëri nga familjarët është shprehur se Behari doli të pinte kafe, më pas do të blinte diçka dhe do të kthehej në banesë. Po ashtu familjari thekson që kur 66-vjeçari doli nga banesa, nuk ka thënë se do të takonte njeri.

Policia gjithashtu ka sekuestruar celularin e viktimës. Nga kqyrja paraprake që i është bërë celularit të viktimës, nuk janë gjetur biseda me persona të dyshimtë, përveç familjarëve.

Deri tani janë të shoqëruar të paktën 10 persona, të gjithë familjarë dhe të afërm të viktimës dhe asnjë person i dyshuar.

Behar Sofia u ekzekutua mëngjesin e djeshëm në Tiranë. 66-vjeçari është qëlluar me silenciator nga një makinë në lëvizje, teksa 66-vjeçari ka qenë duke ecur në këmbë.

Atentati konsiderohet i tipit mafioz për shkak të rrethanave dhe dinamikës, si dhe për shkak se ka ndodhur në një zonë mjaft të populluar të kryeqytetit.

Behar Sofia është një personazh i njohur për trafikimin e lëndëve narkotike, kryesisht nga Turqia, me destinacion në vendet e BE.

Ai ishte pronar i disa bizneseve në zonën pranë stadiumit Dinamo në kryeqytet dhe ishte duke u verifikuar për pastrim parash ndërsa kishte njohje të afërt dhe ishte bashkëpunëtor i bosit turk të heroinës Abdulselam Turgut./Opinion.al

Pas