Pas vizitës në fshatin Bubq, ku këngëtarja me famë botërore Bebe rexha u zotua se do rindërtonte një nga shtëpitë e rrënuara ajo është zhvendosur në një tjetër destinacion.
Rexha ka vizituar fshatin Bizë në Ishëm së bashku me Presidentin e Republikës Ilir Meta.
“I jam shumë mirënjohës Bebe Rexhës, artistes me fame botërorë, e cila i ka kushtuar kësaj tragjedie kohën e saj, ka ndryshuar axhendën. Ka vendosur zemrën e saj në këtë aksion konrekt, për të qenë pranë komuniteteve më të prekura. Për të sjellë në vëmendjen këtë tragjedi dhe këtë krizë humanitare përpara opinionit ndërkombëtar. Prandaj, shume faleminderit edhe njëherë Bebe për këtë solidaritet, për këtë krenari që ndjen që je shqiptare dhe për faktin që je me ne në momente të vështira, nga të cilat mund të themi se nuk i kemi i përjetuar prej shumë kohësh. Përmes këtij solidariteti do t’i përballojmë dhe do ndihmojmë situatën”, –u shpreh Presidenti.
Në këtë fshat gjithashtu tërmeti ka lënë shumë pasoja. Ndonëse të trembur fëmijët e banorëve të këtij fshati kanë kënduar për Beben këngën “Ja na erdhi Viti i Ri”. Këngëtarja u ka shpërndarë atyre ëmbëlsira ndërkohë që ka vizituar shtëpitë e rrënuara.
Edhe në këtë zonë Bebe është zotuar se do të rindërtojë një nga shtëpitë e rrënuara nga tërmeti. Ajo përsëriti faktin se ndihej krenare që është shqiptare dhe se të gjithë shqiptarët duhet të përpiqen të ndihmojnë njëri-tjetrin. Përveç Presidentit me të ka qenë edhe babai i saj dhe vazja e vogël e Metës, Era./Opinion.al/
