Aktualitet

“Do garojë për flamurin tonë”,Çuçi i jep pasaportën shqiptare sportistes italiane


Bëhu pjesë e Grupit Zyrtar të Opinion.al
>> KËTU <<
               Publikuar në : 14:05 - 26/05/22 |
Opi Nion

Ministri i Brendshëm, Bledi Çuçi i ka dhënë pasaportën shqiptare sportistes italiane Lara Colturit dhe familjes së saj.

Në një postim në rrjetin social “Facebook”, Çuçi shkruan se sportistja italiane do të garojë shumë shpejt me flamurin tonë kombëtar në sportin e skive.

Sipas tij, Lara është një sportiste e talentuar dhe shumë premtuese dhe nëna e saj Daniela Ceccarelli, një ish kampione olimpike në sportin e skive, tashmë do të drejtojë ekipin tonë kombëtar në këtë disiplinë.

Kënaqësi e veçantë t’i jap pasaportën shqiptares më të re, Lara Colturi, e cila do të garojë shumë shpejt me flamurin tonë kombëtar në sportin e skive. Me kombësi dhe gjithashtu shtetësi italiane, Lara është një sportiste plot talent dhe shumë premtuese, me të cilën Shqipëria i ka të gjitha shanset të ketë një kampione olimpike. Edhe nëna e Larës, Daniela Ceccarelli, një ish kampione olimpike në sportin e skive, tashmë do të drejtojë ekipin tonë kombëtar në këtë disiplinë. Një falënderim i veçantë për “kumbarin” e kësaj iniciative, presidentin e Federatës së Skive, Elvis Toçi dhe kryetarin e Komitetit Olimpik Kombëtar Shqiptar, Fidel Ylli. Falë vendosmërisë së tyre dhe kontributit të çmueshëm kjo nismë u kurorëzua me sukses. Mbarë e mirë në karrierën tuaj tashmë për flamurin kuqezi dhe ta gëzoni pasaportën shqiptare”,-shkruan Çuçi./Opinion.al

Pas