-U tha në Opinion

“Do digjej Kuvendi”/Peza:CIA nuk e dinte. Rakipllari: Meta kishte dokument


               Publikuar në : 23:02 - 09/09/19 |
geliano fataj

Presidenti Ilir Meta, deklaroi sot para komisionit hetimor parlamentar se anuloi zgjedhjet vendore të 30 qershorit, sepse opozita nuk po merrte pjesë dhe duhej të mbronte të drejtën e qytetarëve për të zgjedhur.

Veç argumenteve ligjorë, tha se kishte ndikuar në vendimmarrjen e tij për shfuqizimin e 30 Qershorit si data e zgjedhjeve lokale, ishte edhe një informacion sekret, që kishte marrë në rrugë zyrtare se protesta e opozitës e 8 Qershorit, do të shfrytëzohej nga elementë të caktuar, për të djegur selinë e Parlamentit të Shqipërisë.

Për gazetarin Alfred Peza deklarata e Presidenti janë të pavërteta, dhe sipas tij ai që ndaloi përdorimin e dhunës në atë datë ishte një intervistë e zyrtarit amerikan, Mathheë Palmer.

“Nëse do e kishte SHISH, nëse e ka pasur nga shërbimet sekret e para presidenti duhet të bënte denoncimin. Ta çonte çështje në prokurori të njoftonte policinë, etj. Të thërrasë Këshillin e Sigurisë Kombëtare, se presidenti ka dashur ta thërrasë për tërmet apokaliptike jo për këtë informacion. Nëse Presidenti i Republikës do ta kishte nga shërbimet, një nga shërbimet që janë aleat me ne janë ato amerikane. Si është e mundur të mos e kishte ditur CIA, apo shërbimet e NATO-s. Ndërsa Palmer atë ditë ka dhënë një intervistë ku thuhej me emër dhe mbiemër që Basha dhe Kryemadhi do mbajnë përgjegjësi nëse ndodh gjë”, tha Peza.

Por një tjetër mendim ka gazetari Robert Rakipllari.

“Presidenti nxori një dokument, që kishte një informacion sekret. Tha jam i gatshëm që do ta dorëzojë, nëse Komisioni Hetimor e kërkon. Në rast se ky dokument është i shërbimeve tona sekrete, i ka shkuar dhe Kryeministrit dhe Kryetarit të Kuvendit. Kryeministri nuk e ka përgënjeshtruar. Ai foli për Rajshtag, kur pala në pushtet e bën. Ti themi hapur gjërat, që PD kishte kërcënuar se fjalët mbaruan. Dekreti i Presidentit e stabilizoi situatën në një farë mënyrë. Deklarata e Palmer përforcon atë informacion që ka pas Presidenti”, tha Robert Rakipllari./ Opinion.al

Pas