Bota

Disa ditë para takimit në Uashington, çfarë bisedoi Merkel dhe Vuçiç


Bëhu pjesë e Grupit Zyrtar të Opinion.al
>> KËTU <<
               Publikuar në : 14:52 - 31/08/20 |
el ida

Presidenti i Serbisë, Aleksandër Vuçiç, bisedoi përmes telefonit me kancelaren gjermane, Angela Merkel.

Në llogarinë e tij në Instagram, kreu i shteti serb tha se biseda ka qenë “e shkëlqyeshme”.

“I jam falënderues kancelares gjermane për mbështetjen e zhvillimit ekonomik dhe politik të Serbisë dhe mirëkuptimit të saj për pozicionin tonë të vështirë rajonal politik”, shkroi ai në Instagram.

Përpara kësaj bisede, Vuçiç kishte paralajmëruar se tema më e rëndësishme me kancelaren Merkel do të jetë Kosova dhe takimet e ardhshme midis Prishtinës dhe Beogradit në Uashington dhe Bruksel.

Në Bled, Vuçiç u takua me të dërguarin e posaçëm të BE-së për dialogun Kosovë-Serbi, Mirosllav Lajçak.

Kreu i shtetit serb dhe kryeministri i Kosovës, Avdullah Hoti, do të takohen në Shtëpinë e Bardhë më 4 shtator, në kuadër të dialogut për normalizimin e marrëdhënieve. Vetëm tre ditë më vonë, ata do të takohen edhe në Bruksel./Opinion.al

Pas