Një furgon është përfshirë nga flakët e zjarrit rreth orës 3 të mëngjesit të së hënës, në lagjen Nr.17 në Korçë.
Mësohet se mjeti ka qenë në pronësi të shtetasit R.T. Furgoni ka qenë i parkuar pranë banesës së pronarit në momentin që ra zjarri.
Si pasojë e ngjarjes raportohet se janë shkaktuar vetëm dëme materiale.
Pronari i mjetit ka deklaruar në polici se nuk ka konflikte me njeri dhe automjeti përdorej për transport udhëtarësh.
Grupi hetimor i policisë dyshon se zjarri mund të jetë i qëllimshëm dhe ka nisur hetimet për zbardhjen e ngjarjes.
