Politikë

Dialogu Kosovë-Serbi/ Meta: Në thelb duhet të jetë njohja reciproke midis 2 shteteve



Bëhu pjesë e Grupit Zyrtar të Opinion.al
>> KËTU <<
               Publikuar në : 15:33 - 19/08/22 |
Opi Nion

Kryetari i Partisë së Lirisë, Ilir Meta ka reaguar për dialoguan Kosovë-Serbi që po zhvillohet me ndërmjetësimin e Bashkimit Europian.

Përmes një postimi në “Facebook”, Meta tha se zgjidhja e mosmarrëveshjeve arrihet nëpërmjet dialogut dhe bisedimeve dhe se në thelb duhet të qëndrojë njohja reciproke midis dy shteteve.

Më tej Meta vlerësoi angazhimin e SHBA dhe BE për dialogun Kosovë-Serbi, që sipas tij është e rëndësishme për arritjen e paqes në rajon.

“Partia e Lirisë i ndjek me shumë vëmendje zhvillimet e fundit të dialogut Kosovë-Serbi të lehtësuar nga BE, duke besuar gjithmonë se nëpërmjet dialogut, bisedimeve dhe respektimit të frymës dhe vlerave europiane mund të arrihet një zgjidhje e qëndrueshme, në thelb të së cilës duhet të qëndrojë njohja reciproke midis dy shteteve.

Partia e Lirisë vlerëson angazhimin e SHBA dhe BE për një çështje kaq të rëndësishme për rajonin tonë dhe për arritjen e një paqeje të qëndrueshme.

Partia e Lirisë nxit të gjithë aktorët të angazhohen në të gjitha mënyrat për realizimin e të ardhmes tonë europiane.

Sfida e të gjithë rajonit tonë është rikthimi i besimit të rinisë, për të qëndruar dhe ndërtuar shtete funksionale, në një rajon që jeton në paqe, prosperitet dhe të integruar tërësisht në familjen europiane”, shkruan Meta./Opinion.al

 

Pas