-U tha në Opinion

Di Maio: Europa është në një test të rëndësishëm


               Publikuar në : 22:49 - 30/03/20 |
Opi Nion

Në një intervistë në emisionin “Opinion”, ndërsa ka falenderuar veçanërisht popullin shqiptar për suportin me 30 punonjës të shëndetësisë, Ministri i Jashtëm Italian Luigi di Maio, foli edhe mbi rëndësinë e bashkepunimi dh unitetit mes vendeve të Europës.

Fevziu: Zoti ministër mirëmbrëma dhe mirëse erdhët në emisionin “Opinion” sot në mbrëmje.  

Di Maio: Mirëmbrëma, është kënaqësi që po ndërhyrj në emisionin tuaj. Një përshëndetje për ju dhe për të gjithë popullin shqiptar.

Fevziu: Uroj nga zemra që kjo situatë të kalojë sa më shpejt në Itali dhe pa pasoja të mëdha për ju.

Di Maio: Jam i sigurt që do ja dalim, do ja dalim të gjithë së bashku dhe shumë faleminderit për kontributin që ka dhënë populli juaj, vendi juaj, për mjekët dhe infermierët që na keni dërguar.

Fevziu: Mendoj që 30 mjekë dhe infermierë nuk janë një shpëtim për Italinë, por mendoj që ishte një detyrë duke kujtuar gjithçka që Italia ka bërë për ne këto 30 vjet, por edhe më parë, që nga momenti i shpalljes së pavarësisë ….

Di Maio: Ju nuk e keni idenë sa injektim, inkurajim, entuziasëm ka patur falë imazheve të mbërritjes së mjekëve dhe infermierëve nga Shqipëria dhe nga fjalimi karizmatik i kryeministrit Edi Rama, që bëri të emocionohen shumë qytetarë italianë, në sensin pozitiv. Sepse diskutimi i vlerave të përbashkëta, është një argument që flet për solidaritetin dhe miqësinë mes popujve dhe siç ka thënë Papa Françesku pak ditë më parë, askush nuk mund shpëtojë i vetëm nga kjo krizë. Unë besoj se Shqipëria, populli shqiptar dhe fjalët e Kryeministrit Rama përfaqësojnë atë vlerë europiane të solidaritetit, që ndoshta disa e kanë harruar. Por siç thashë edhe kur mbërritën mjekët dhe infermierët, kjo vlerë është mirëpërfaqësuar tek populli shqiptar , tek shpirti i Shqipërisë dhe tek qeveria shqiptare.

Fevziu: Kam ndjekur shtypin Italian, por dhe entusiazmin e qytetarëve të zakonshëm në rrjetet sociale. Desha të pyes diçka. Çfarë nuk funksionoi  në solidarittetin dhe me shpirtin europian të kësaj epidemie?

 Di Maio: Le të themi se në këtë moment në nivel europian jemi duke diskutuar mbi masat ekonomike që do të nevojiten të ndëmerren në të gjithë kontinetin dhe jo vetëm nga vendet anëtare të bashkimit euroiian. Unë uroj që në ditët në vijim të mundet të gjendet një zgjidhje, sepse e kam thënë qartë në të gjitha mënyrat , ne si qeveri duam të shpenzojmë të gjitha paratë që nevojiten për të ndihmuar popullin tonë, sipërmarrjet tona, punëtorët tanë, të rinjtë tanë, të moshuarit tanë, të papaunët tanë. Dhe besoj se si kurrë më parë, në këtë moment nevojitet një shpirt bashkimi, vetëm me unitet do tja dalim të shpëtojmë. Pastaj mund t’ju them, se në momomentin kur ne po flasim Gjermania ka pritur në spitalet e saj pacientët tanë, nga spitale të tjera europiane kanë mbërritur materiale mjekësore, kemi patur solidaritet dhe mbështetje edhe nga disa vende të Bashkimit Europian. Edhe ata që bllokuan maskat dhe ventilatorët tanë në doganat e tyre më telefonuan dhe kërkuan ndjesë. Pra unë besoj që Europa është në një test të rëndësishëm mbi politikat ekonomike dhe financiare, sepse janë ato që do të na lejojnë të ndihmojmë të rinjtë tanë të mos emigrojnë por të vazhdojnë të jetojnë dhe të punojnë në vendet tona.

Fevziu: Zoti ministër, Europa, dhe kur them Europa kam parasysh Italinë dhe vendet e tjera të zhvilluara, Shetetet e Bashkuara të Amerikës, u gjendën të papërgatitura për këtë epidemi, ju mendoni se tashmë do të jenë të përgatitura për krizën ekonomike që mendohet se do të pasojë këtë epidemi dhe mendohet se do të jetë e vështirë?  

Di Maio: Ne duhet të jemi të përgatitur. Është e qartë që në një pandemi të kësaj natyre thuajse askush nuk ishte përgatitur. Vendet që besoj  se ishin më të përgatitura ishin ato që në 10 apo 15 vitet e fundit e kanë investuar pjesën më të madhe të parave të tyre në shëndetin publik dhe sigurisht Italia nuk ka qenë një prej këtyre vendeve. Por duhet të them që edhe në takimin e G 20 të Këshillit të Punëve të Jashtme të këtyre ditëve, të gjithë vendet janë të vetëdijshëm që duhet një reagim i përbashkët. Sapo përfundova G 20 e tregtisë. Edhe atje të gjithë ministrant e tregtisë thonin qartë se reagimi duhet të jetë i përbashkët. Dhe reagimi ndaj krizës ekonomike është të investosh më shumë, të mos biesh në politikat e rrepta të shkurtimeve, dixhitalizimi dhe heqja e burokracive, sepse duhet të mbrojmë sipërmarrjet tona. Ne kemi modele sipërrmarrjesh shumë të ngjashme, sipërmarrje të vogla dhe të mesme që kanë dëshirë të eksportojnë në të gjithë botën. Në këtë krizë duhet të gjejmë forcë dhe kurajo si qeveri për të mbështetur sipërmarrësit tanë që kanë forcë dhe kurajo të shesin.

Fevziu: Shpresoj në këtë situatë. Ndërkohë masat e izolimit që kanë ndërmarrë qeveria italiane a kanë dhënë rezultate konkrete pas kaq kohësh?

 Di Maio: Unë besoj se tani në këto ditë, shkencëtarët tanë po na thonë që kurba e kontaminimeve është stabël dhe po flasim për 15 apo 20 ditë nga momenti, kur presidenti Conte vendosi mbylljen totale  të sistemit Italian për të mundësuar ngadalësimin e kontaminimit. Pra ne jemi shpresëplotë dhe mbi të gjitha kemi besim tek komuniteti ynë shkencor. Unë si ministër jam në shërbim të mjekëve, infermierëve, të punonjësve socio-sanitarë, të docentëve tanë univeritarë që ndjekin komitetin teknik shkencor, sepse janë ata në rreshtin e parë, në atë që Rama e cilësoi si një luftë e vërtetë./Opinion.al

 

 

Pas