Pas ngjarjes së rëndë të publikuar disa ditë më parë se në një kopsht privat në Tiranë, ishte dhunuar një vajzë e mitur 3-vjeçare, Ministrja e Arsimit, Ogerta Manastirliu thotë se janë ngritur grupe të posaçme kontrolli, ku gjatë kësaj jave janë verifikuar 90 kopshte dhe 8 prej tyre kanë rezuluar pa licensë.
Ministrja Manastirliu ka thënë se do të forcohen hallkat e monitorimit për arsimin teksa ka shtuar se në krye do të jetë reforma e arsimit parashkollor.
Ogerta Manastirliu: Ngjarja e keqtrajtimit dhe dhunës ndaj 3-vjeçares, e cila na ka tronditur të gjithëve. Kontrollet nga grupi i posaçëm dollën marrjen e masave ndëshkuese. Nuk janë dhe nuk do të jenë thjesht një ndërhyrje e izoluar. Nuk jemi ndalur vetëm tek rasti që u bën publik. MASH ka ngritur një Task Forcë nga Drejtoria e Përgjithshme për verifikimin dhe plotësimin e standareve në bashkitë e vendit. Nga kontrollet e këtyre ditëve, 90 kopshte jo publike janë insektuar. 67 kopshte ushtrojnë veprimtarinë në përputhje me ligjislacionin. 8 kopshte jo publike, nuk kanë aplikuar për licensim dhe 2 prej tyre ju është refuzuar licensimi.
Nisur nga problematikat, MASH ka publikuar në faqen e saj kopshtet që janë të licensuara dhe lista është në përditësim. Subjektet që kërkojnë të ushtrojnë veprimtarinë “kopsht” të marrin masat për ushtrimin e kësaj veprimtarie. Në rast të mosplotësimit të dokumentacionit, do të ketë ndërprerje të menjëhershme të veprimtarisë.
Nevojitet akoma më shumë bashkërendim i punës për të garantuar shërbim maksimal në institucionet e eduktimit. Fuqizojmë hallkat e monitorimit. Zero tolerancë ndaj çdo fenomeni që dëmton fëmijën. Pikërisht sepse ende kemi sfida përballë dhe ende ka problematika që duhet të adresohen, në krye të listës të punës së Ministrisë së Arsimit dhe Sportit, do të jetë reforma e arsimit parashkollor.
Kam një thirrje, fenomene negative të dënueshme dhe të dhimbshme, janë tronditëse por mund t’i luftojmë duke bashkëvepruar të gjithë së bashku si shoqëri për të rritur cilësinë e shërbimeve.
