Aktualitet

Dhuna në ‘Astir’, reagon Meta: Arroganca përballë mjerimit e patolerueshme


               Publikuar në : 10:58 - 12/11/19 |
Al Do

Presidenti Ilir Meta ka reaguar për situatën e dhunshme të ndodhur mëngjesin e sotëm mes banorëve të ‘Astirit’ dhe Policisë së Shtetit.

Meta e ka konsideruar të papranueshme dhunën ndaj banorëve dhe i ka bërë thirrje atyre të mos bien pre e provokimeve.

Nga ana tjetër Presidenti e ka cilësuar sjelljen e autoriteteve në këtë situatë si arrogante përballë asaj që ai e quan “mjerim dhe traumë”.

E papranueshme dhuna e përsëritur sot ndaj banorëve të Unazës së Re, të cilët protestojnë në mbrojtje të shtëpive dhe të pronave të tyre. Arroganca përballë mjerimit dhe traumës që po u shkaktohet këtyre familjeve për muaj të tërë është e patolerueshme. Banorët të ruajnë qetësinë dhe të mos bien pre e provokimeve dhe palët të ulen menjëherë në dialog. U uroj shërim të shpejtë të gjithë të plagosurve.” shkruan Meta /Opinion.al

Pas