Marrëdhënie të komplikuara ndërthuren në historinë e vrasjes së dy motrave, Zhaneta Metani dhe Kristina Bardhi paraditen e 31 dhjetorit, nga Përparim Ademi.
Sikurse thuhet në dosje, Përparim Ademi ka përdorur si karrem për të hapur derën e banesës së motrave në këtë ngjarje, nipin e tij 14-vjeçar.
Duke qenë se një ditë më parë, ai kishte debatuar me Zhaneta Metanin për shkak të një njohjeje që ajo kishte me dikë tjetër me emrin Besmir, atëherë Përparim Ademi për të hyrë në banesën e motrave, ka përdorur si karrem djalin e vajzës së tij.
“I pyetur në praninë e psikologes dhe avokatit mbrojtës, ai ka sqaruar se në mëngjes e ka zgjuar gjyshi i tij, Përparimi. Ai i ka thënë se do të shkonte me të deri në një vend. Kanë shkuar së bashku me gjyshin në këmbë tek shtëpia e Zhanetës, të cilën e njihte shumë mirë. Në momentin që kanë shkuar tek dera e banesës gjyshi ka marr nga çanta një armë të cilën ja ka vendosur në gjoks dhe i ka thënë që t’I binte derës dhe të thoshte emrin e tij.
Në këto kushte, i mituri i ka rënë derës dhe kur e kanë pyetur nga brenda se kush ishte ka thënë emrin e tij. Viktima ka hapur derën dhe në këtë moment autori është futur brenda. Në këtë moment i mituri ka ikur me vrap dhe ka shkuar në shtëpi ku i ka treguar gjyshes së tij. Më pas kjo e fundit ka shkuar në shtëpinë e viktimës”, thuhet në dosje./Opinion.al
