Grupi i strukturuar kriminale Avdylaj është përgjuar dy vite me radhë. Nga bisedat me ta janë zbuluar edhe dy ish-deputetët socialistë Arben Çuko dhe Arben Ndoka.
Gazetarja e “News 24”, Klodiana Lala duke iu referuar burimeve nga prokuroria tha se Çuko e Ndoka u zbuluan nga grupi kriminal Avdulaj. Hetimi mësohet se ka nisur që në dhjetor të vitit 2016 dhe prej dy vitesh ky grup ishte në përgjim. E pikërisht këto përgjime kanë çuar dhe tek dy ish-deputetët që u arrestuan ditën e djeshme në Tiranë.
Nga përgjimi ka rezultuar se Arben Ndoka kishte mik një nga anëtarët e grupit të Avdulajve. Po kështu Çuko është dëgjuar teksa i kërkohej transferimi i të burgosurve.
Prokuroria ka zhvilluar hetim në tre drejtime, një për grupin, një për Arben Çukon dhe një për Arben Ndokën.
lexo edhe:
Kush e dekonspiroi operacionin policor? Lul Berisha u largua nga Shqipëria
