Kryesore

Detaje nga vrasja në Kosovë, 2 zyrtarët e PDK qëlluan…


Bëhu pjesë e Grupit Zyrtar të Opinion.al
>> KËTU <<
               Publikuar në : 09:04 - 09/09/21 |
Opi Nion

Detaje të reja janë zbuluar nga ngjarja e rëndë në Pejë ku humbën jetën kandidati për kryetar i komunës nga radhët e PDK, Astrit Ademaj dhe zyrtari tjetër i kësaj partie Blerand Kadrijaj.

Nga hetimet e deritanishme raportohet se të dy personat kanë qëlluar ndaj njëri-tjetrit me pistoletë në ambientet e një lokali, pranë shkollës së mesme “Ali Hadri”. Si pasojë e të shtënave të dy zyrtarët nuk iu mbijetuan plagëve të marra duke humbur jetën.

Dyshohet se familja Ademaj kishte probleme të mëhershme me familjen Kadrijaj dhe sipas informacioneve, të dy viktimat janë takuar për të gjetur një zgjidhje për mosmarrëveshjet.

Për ngjarjen e rëndë reagoi presidentja Vjosa Osmani dhe kryeministri Albin Kurti, të cilët kërkuan zbardhjen e menjëhershme të saj.

“Me trishtim e mora lajmin për ngjarjen tragjike në Pejë, në të cilën humbi jetën një kandidat i PDK-së për kryetar të Pejës dhe ish-kandidat për kryetar të Deçanit. Ngushëllime të sinqerta familjeve të të vrarëve dhe PDK–së! Të lënduarit, i dëshiroj shërim të shpejtë! Ftoj organet e rendit për zbardhje të rastit të kësaj vrasje të dyfishtë!”, shkruan Osmani.

Ndërkohë kryeministri i Kosovës, Albin Kurti u ka shprehur ngushëllime familjeve të viktimave, duke thënë se bashkëndjen me dhimbjen e tyre për këto humbje tragjike.

Kryeminsitri ka ftuar organet e rendit që me seriozitetin më të lartë, sa më parë të zbardhin rastin e kësaj vrasje të dyfishtë./Opinion.al

Pas