Kryesore

Dështimi i negociatave mes Kosovës dhe Serbisë/ BBC: Frikë nga shpërthimi i konfliktit



Bëhu pjesë e Grupit Zyrtar të Opinion.al
>> KËTU <<
               Publikuar në : 08:34 - 22/11/22 |
Opi Nion

BE dhe Serbia kanë paralajmëruar se dhuna mund të shpërthejë në Kosovë pasi bisedimet e ndërmjetësuara nga BE dështuan për të zgjidhur një mosmarrëveshje mbi targat serbe të makinave. Kështu shkruan BBC në një artikull dedikuar marrëdhënieve Kosovë-Sebi dhe çështjes së targave.

Autoritetet kosovare duan që minoriteti etnik serb të dorëzojë targat e tyre të lëshuara nga Serbia por nga ana tjetër Serbia nuk e njeh pavarësinë e Kosovës.

Policia e Kosovës planifikon të vendosë gjoba prej 150 € duke filluar nga e marta, për automjetet që mbajnë targat e lëshuara nga Serbia. SHBA ka kërkuar që ky veprim të vonohet duke bërë kështu lëshime për të ruajtur paqen.

Kosova argumenton se targat që i paraprinë luftës së saj të vitit 1999 për pavarësi nga Serbia nuk mund të jenë më të vlefshme. Kosova thotë se 50,000 serbët në veri të Kosovës, të cilët pranojnë vetëm institucionet lokale serbe, tani duhet të përdorin targat e Kosovës të lëshuara në Prishtinë.

Shefi i politikës së jashtme të BE-së Josep Borrell tha se bisedimet shumëorëshe nuk kishin arritur të zgjidhin mosmarrëveshjen e gjatë.

“Mendoj se ka një përgjegjësi të rëndësishme në anët e të dy liderëve për dështimin e bisedimeve sot dhe për çdo përshkallëzim dhe dhunë që mund të ndodhë”, tha ai.

Presidenti i Serbisë Aleksandar Vuçiç tha se situata “është fjalë për fjalë në prag të konfliktit”. Ai gjithashtu ka kërkuar nga policia speciale e Kosovës që të mos tentojë të zbatojë gjobat. Oficerët e policisë serbe dhanë dorëheqjen masivisht në fillim të këtij muaji në shenjë proteste ndaj vendimit të targave të Prishtinës.

Kurti fajësoi BE-në për dështimin e bisedimeve dhe z. Borrell tha se lideri i Kosovës kishte refuzuar një propozim kompromisi të BE-së, megjithëse Serbia e kishte pranuar atë.

Vuçiç tha se Serbia do të ndalojë lëshimin dhe rinovimin e targave të veturave të veta për serbët në veri të Kosovës.

Zëdhënësi i Departamentit të Shtetit të SHBA Ned Price tha se të dyja palët “do të duhet të bëjnë lëshime për të siguruar që ne të mos rrezikojmë dekada të paqes së fituar me vështirësi në një rajon tashmë të brishtë”.

Pas