Politikë

Deputeti Sula: PD të ringrihet përmes Komisionit Përbashkues


Bëhu pjesë e Grupit Zyrtar të Opinion.al
>> KËTU <<
               Publikuar në : 17:22 - 09/03/22 |
Opi Nion

Humbja e zgjedhjeve të 6 marsit kanë sjellë përplasje mes deputetëve dhe krydemokratit, të cilit i është kërkuar dorëheqja.

Deputeti Dashnor Sula, nëpërmjet një postimi në rrjetet sociale, ka bërë thirrje për bashkimin e demokratëve.

Sula teksa e cilëson 6 marsin një ditë të zymtë për Partinë Demokratike, thekson se ka ardhur koha e ringritjes së saj duke e hapur për personat me integritet.

Deputeti propozon që një Komisioni Përbashkues apo instrumentave që mund të gjenden përmes dialogut ti jepet fund krizës në PD.

Postimi i plotë:

Demokratët duhet të bashkohen! 6 Marsi ishte një ditë e zymtë për Partinë Demokratike. Unë isha i deleguar në bashkinë e Rrogozhinës. Bëra maksimumin tim që kandidati ynë të dilte fitues. Nuk ia dolëm. Rezultati që morëm jo vetëm në Rrogozhinë, por edhe në 5 bashkitë e tjera më imponon reflektim. Pjesëmarrja e votuesve në zgjedhje ishte 30%. Ndërkohë 70% e shqiptarëve që banonin në këto 6 bashki nuk shfaqën interes të drejtoheshin në kutitë e votimit.

Në kushtet kur kundërshtari ynë politik (Partia Socialiste) ka të gjitha pushtetet dhe nxori për të votuar administratën dhe gjithë në votime të gjitha kapacitetet e tyre, do të thotë se maksimumi i tyre aq është. Pjesën tjetër 70%-ndëshin e votuesve, opozita nuk e ka bindur si alternativë. Ne nuk kemi krijuar besueshmëri tek ata se mund të administrojmë pushtetin lokal më mirë. Edhe nëse mbledh votat e Partisë Demomratike dhe Shtëpisë së Lirisë që janë vota opozitarësh ne sërish nuk e kalonim kundërshtarin tonë.

Rikujtoj edhe një herë që janë 70% e shqiptarëve/ opozitarë që duan zgjidhje. Në këto kushte çdo lidership i përgjegjshëm që synon të mirën e shqiptarëve e partisë të cilën përfaqëson, duhet të marrë përgjegjësi dhe ti hap rrugë zgjidhjes së situatës. Zgjidhja nuk mund të jetë jashtë PARTISË DEMOKRATIKE.

Ne duhet të bashkohemi dhe të marrim vendime përtej egos personale. Partia Demokratike duhet të futet në një proces ringritje me të gjithë potencialet e veta, të hapet ndaj personave me integritet dhe përmes një Komisioni Përbashkues apo instrumentave që mund të gjenden permes dialogut ti jepet fund kësaj situate. Kjo kërkon vullnet, kërkon guxim dhe mbi të gjitha lidership. Çdo orë e humbur është në shërbim të kundërshtarit politik!

Pas