Deputeti i zgjedhur i PD-së, Ervin Salanji, ka reaguar pas largimit të zyrtari të LSI-së (administratorit të Zall-Herrit, Arben Maloku) drejt Partisë Socialiste.
Salianji, në një postim në “Facebook”, shkruan se Rilindja po vazhdon avazin e vjetër me mandatin e ri, duke blerë me paratë që vijnë nga abuzimi dhe keqtrajtimi i qytetarëve.
Paraja është zoti i tyre!
Rilindja e turpëroi veten duke treguar përbuzje për të gjitha virtytet njollosi me të gjitha veset qeverisjen ne 4 vjet.
Po njësoj po vazhdon me avazin e vjetër dhe në mandatin e ri, me të njëjtën gjuhë përçarëse dhe urrejtje me të njëjtin stil të blerjes së kujtdo!
Po ble dhe po bën bashkë një bandë mjerane mercenarësh, i ble me pozicione në administratë, i majm mirë me paratë që vijnë nga abuzimi dhe keqtrajtimi i qytetareve dhe me pas i turr në zgjedhje të dhunojnë dhe të blejnë kë të munden!
Këta njerëz që shesin veten për 5 aspra e që kapardisen zyrave të shtetit vetëm me damkën e “shkollës së jetës” dhe që sillen pa asnjë lloj ndërgjegje, por avantazh kanë vetëm pelivanllëkun janë turpi i kësaj shoqërie!
Më të turpshëm janë blerësit që me paratë e krimit dhe korrupsionit që po shkatërron Shqipërinë iu janë turrur me oferta për të blerë kë të munden, kjo është risia e fillim mandatit! Këta nuk ndalen para asgjëje, janë pa skrupuj moralë, pa cipë dhe pa asnjë thërrime virtyti. Vesi është virtyti i tyre, paraja është Zoti i tyre!
