KOPENHAGEN– Trajneri i kombëtares Giani De Biasi duke folur pas ndeshjes tha se “Danimarka ishte e rrezikshme, por mund ta kishim mundur”.
“Danimarka tentoi që të shfrytëzonte faktorin fushë duke sulmuar pa pushim, por ishim në lartësinë e duhur duke mos pësuar gol. Kishim një rast të mirë në fund për të shënuar dhe mbyllur ndeshjen me Roshin, por nuk u treguam të saktë. Të hënën na pret një ndeshje shumë e vështirë ndaj Portugalisë, por duhet të marrim maksimumin për të luftuar me Danimarkën për vendin e dytë”, u shpreh trajneri i kmbëtares shqiptare.
Ndërsa kapiteni i kuqezinjve tha se, barazimi është një rezultat që vlen shumë, i marrë kundër një Danimarke të fortë.
“Danimarka është një ekip shumë i fortë, sidomos fizikisht. Ata tentuan të shfrytëzonin luftën në afër, por arritëm që të mos pësonim deri në fund. Mendoj që është një pikë shumë e rëndësishme, e cila na ndihmon për garën në vendin e dytë. Tani do të fillojmë që të mendojmë për ndeshjen me Portugalinë në Elbasan”, tha Lorik Cana në përfundim të ndeshjes.
`
Ne foto: Gazetari dhe drejtuesi i ‘Opinion’ Blendi Fevziu me trajnerin e Kombetares Giani De Biasi sot ne Kopenhagen
