Dario Prifti u arrestua pasi dispononte Ferrari dhe një Porsche Cayene në garazhin e tij pa dokumente. Për shkak të makinave dhe jetës së shtrenjtë që bënte, i riu laçian ra në sy të policisë së Kurbinit, e cila e ka arrestuar ditën e djeshme. Dyshimet janë se ka tentuar te shfrytëzoje për prostitucion një vajzë me inicialet R.R.
Dario Prifti së bashku me personin tjetër, të shpallur në kërkim, dyshohet se përveç këtij rasti të mbetur në tentativë kanë trafikuar dhe 2 vajza të tjera nga Tirana në Itali. Vajzat mashtroheshin duke krijuar një marrëdhënie intime me djemtë dhe pas një lidhje disa javore ata i shfrytëzonin si prostituta.
Ferrari dhe makina “Porsche” janë gjetur të fshehura në garazhin e shtëpisë së Dario Priftit. Makina “Ferrari” dyshohet të jetë e vjedhur në Itali por nuk rezulton të jetë e deklaruar si e tillë në sistem.
Nga kontrolli i banesës së shtetasit Dario Prifti në Fushë Mamurras u sekuestruan një automjet tip Ferrari F 430, pa targa e dyshuar e vjedhur jashtë shtetit dhe e trafikuar në Shqipëri si dhe një Porsche
Cayene me targë AA 663 NT (gjatë kontrollit të mjetit u konstatuan disa doza me lëndë të dyshuar narkotike të llojit cannabis sattiva), tha policia.
Gjithashtu, në banesën e Priftit u gjetën 3 kamera filmike dhe 1 aparat fotografik të dyshuar të vjedhura, 1 dylbi si dhe dylbi arme zjarri snajper.
