Pas reshjeve të shiut, juglindja e vendit janë rikthyer reshjet e dëborës. Fshatrat turistike të Dardhës dhe Voskopojës në Korçë janë përfshirë nga reshjet e dëborës pasditen e sotme.
Sipas zyrtarëve të autoritetit lokal të rrugëve nacionale, reshjet e dëborës në fshatin turistik të Dardhës janë intensive, ndërsa trashësia ka shkuar deri më 6 cm.
Problem mbetet aksi nga kilometri i 8 deri 14, ndërsa në terren ndodhen 2 borëpastruese.
Nga policia e qarkullimit rrugor iu bëhet thirrje të gjithë drejtuesve të mjeteve të cilët do t’i drejtohen fshatrave turistike të pajisen me gomat e dimrit si dhe me zinxhirë.
Për sa i përket qytetit, prej mëngjesit të sotëm ka pasur dhe vijon të ketë reshje shiu./ Opinion.al
