Mjeku Gastro-Hepatolog, Ilirjan Draçi, është infektuar me COVID-19. Nga shtrati i spitalit, përmes një postimi në rrjetet sociale, ai ka dhënë një mesazh për të gjithë shqiptarët.
Mjeku ka bërë thirrje që të mbajmë maskën, të ruajmë distancën, të lajmë duart pasi një gabim i vogël mund të na kushtojë jetën.
“Vazhdon beteja tepër e vështirë me virusin. Të gjithë kolegë, infsanitare, miq dhe shokë, po bëjnë gjithçka për të më shpëtuar jetën. Mbani maska, ruani distancën, lani duart. Një gabim i vogël, ju kushton jetën. Beteja vazhdon…”, shkruan mjeku.
Ilirjan Draçi është drejtuesi i Qendrës Shëndetësore nr.1 në Tiranë. Në foton e publikuar në rrjetet sociale ai shfaqet me maskën e oksigjenit, por në gjendje të stabilizuar.
