Është rritur ndjeshëm numri i rasteve të reja me koronavirus në Maqedoninë e Veriut. Bëhet me dije se në 24 orët e fundit janë regjistruar 383 raste të reja nga 1648 teste të kryera.
Qyteti më i prekur vijon të jetë Shkupi, ku ditën e fundit kanë rezultuar 201 të infektuar.
Ndërkohë, në shtetin fqinj në 24 orët e fundit kanë humbur jetën 7 persona të prekur me koronavirus, ndërsa janë shëruar 95 qytetarë.
Që nga fillimi i pandemisë, në Maqedoninë e Veriut janë infektuar 20,937 persona, ndërsa e kanë humbur jetën 792 persona./ Opinion.al
