Covid-19 ka shkaktuar një tjetër viktimë në radhët e bluzave të bardha. Mesohet se ka humbur betejën me koronavirusin infermierja Fatime Poci, 57-vjeçe.
Lajmin e ka bërë të ditur Urdhri i Infermierit, ku nëpërmjet një statusi në rrjete sociale, i shpreh ngushëllimet familjarëve dhe kolegëve të 57-vjeçares.
“Me hidhërim të thellë njoftojmë ndarjen nga jeta të koleges sonë të nderuar Znj. Fatime Poci, 57 vjeçe prekur nga Covid-19.
Ndarja nga jeta e znj . Poci, është një humbje e madhe për familjarët, miqtë, kolegët dhe gjithë ata që e njihnin dhe patën fatin të punonin me të, me nje eksperiencë disa vjeçare në profilin e infermieristikës pranë Drejtorisë së Shëndetit Publik në Librazhd dhe pranë Qëndrës Shëndetësore nr.4 në Tiranë.
Në emër të të gjithë kolegëve Urdhri i Infermierit të Shqipërisë i shpreh ngushëllimet e sinqerta familjarëve, miqve, kolegëve dhe gjithë të dashurve të saj për këtë humbje të pazëvendësueshme./Opinion.al
