Aktualitet

Grida Duma padit për shpifje Erion Veliajn: Dëmi shkon deri në 3 mln lekë


Bëhu pjesë e Grupit Zyrtar të Opinion.al
>> KËTU <<
               Publikuar në : 12:30 - 24/03/21 |
Opi Nion

Grida Duma, kandidate për deputete e PD-së në zgjedhjet e 25 prillit ka ngritur padi ndaj kryebashkiakut dhe njëherazi drejtuesit politik të PS për qarkun e Tiranës, Erion Veliaj.

Në një dalje për mediat para gjykatës Duma ka thënë se i është drejtuar gjykatës pasi sipas saj, kreu i bashkisë Erion Veliaj ka si detyrim që të faktojë ato që thotë. Po ashtu, Duma thotë se dëmshpërblimi shkon deri në 3 milionë lekë, teksa thekson se këto para do të shkojnë për shtetin shqiptar.

“Do ti shërbejmë demokracisë dhe ndërtimit të saj hap pas hapi, për të nisur një etapë ku ndëshkimi nuk është më luks, por rregull loje.

Jemi drejtuar Gjykatës së Shkallës së Parë, Tiranë, Dhomës Penale sepse qëndron në detyrimin e shtetasit Erion Luan Veliaj të vërtetojë saktësinë e shpifjeve të tij. Dispozita ligjore është Neni 120, paragrafi 2 i Kodi Penal, dëmi do të shkojë deri në 3 milionë lekë të reja.

Unë deklaroj se ky dëm do ti shkoj shtetit shqiptar dhe askujt tjetër. Drejtësia është besim. Vlera e fjalës nuk është një kështjellë rëre. Do të hedhim një tullë për të thënë boll më me mashtrime të hedhura në ajër. ”, tha Duma.

Padia ka të bëjë me reagimin e Veliaj, pas akuzave të ngritura nga Partia Demokratike ndaj tij për lidhje me mafien italiane.

“Në reagimin e tij mbas deklaratës zyrtare të Partisë Demokratike, i akuzuari Erion Veliaj nuk paraqiti asnjë argument për të vërtetuar të kundërtën e deklarimeve të personave të përgjuar nga Antimafia Italiane, të cilët e implikojnë atë drejtëpërsëdrejti, por zgjodhi të sulmojë në mënyrën më të ulët znj. Grida Duma duke hedhur akuza të pabaza dhe totalisht të pavërteta”, thuhet ndër të tjera në padi.

Më tej, theksohet se Veliaj e ka quajtur Grida Dumën “trafikante apartamentesh”. /Opinion.al

Pas