Aktualitet

COVID-19/ Manastirliu: Presim rritjen e numrit të qytetarëve të infektuar



Bëhu pjesë e Grupit Zyrtar të Opinion.al
>> KËTU <<
               Publikuar në : 17:00 - 27/06/22 |
Opi Nion

Javët e fundit është rritur numri i personave të infektuar me COVID-19 në vendin tonë.

Nga Instituti i Shëndetit Publik, Ministrja e Shëndetësisë, Ogerta Manastirliu tha se vjeshta mund të sjellë variante të reja të virusit pandemik, teksa apeloi për vaksinim.

 “Ashtu sikurse edhe Organizata Botërore e Shëndetësisë ka alertuar, do të kemi edhe një rritje të rasteve. Vjeshta sigurisht që do të vijojë që të ketë sfidat e saj në raport edhe me rastet covid, në raport edhe me variantet e reja. Por vaksinimi është fjala kyçe. Ne do të vijojmë proçesin e vaksinimit.”

Paralel me Covid, sistemi shëndetësor ka rritur survejancën për linë e majmunit e cila tashmë testohet nga Instituti i Shëndetit Publik.

Ogerta Manastirliu: Ne kemi bërë të mundur që për 250 rastet të para që mund të jenë të dyshuara, të kemi dhe testet specifike në këtë laborator.”

Eugena Tomini:Aktualisht kemi sërish një survejancë e angazhuar siç është ajo e lisë së majmunit. Diagnoza kryhet në vend, pavarësisht se ne kemi vazhdimisht komunikim me netëorkun e laboratorëve të referencës në Europë, për të konfirmuar diagnozën.

Sipas Qendrës Europiane për Kontrollin e Sëmundjeve, Shqipëria vlerësohet me risk të ulët përsa i përket lisë së majmunit. Vendet Europiane tashmë janë në alert, sepse janë më shumë se 29 vende ku janë konstatuar mbi 1700 raste të lisë së majmunit.

Pas