Instituti Kombëtar i Shëndetësisë Publike ka bërë me dije se Kosova ka regjistruar 704 raste te reja me koronavirus nga 4.291 testime të kryera. Po gjatë 24 orëve të fundit kanë humbur jetën 5 persona si pasojë e COVID-19.
“Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, si dhe laboratoret publike dhe private me metodën RAT, janë testuar gjithsej 4.291 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 704 raste pozitive.
Brenda 24 orëve janë raportuar 5 raste të vdekjes me SARS CoV-2 pozitiv. Rastet e vdekjes janë nga komunat: Gjilan 1 rast (73 vjeç), Mitrovicë 1 rast (67 vjeç), Pejë 1 rast (69 vjeç), Prizren 1 rast (56 vjeç) dhe Skenderaj 1 rast (71 vjeç)”, thuhet në njoftimin e IKSHPK-së.
Numri total i rasteve pozitive është 79.793 raste nga të cilët 1.731kanë humbur jetën./Opinion.al
