Aktualitet

Çonin emigrantë në SHBA, prokuroria: 74 vite burg trafikantëve


Bëhu pjesë e Grupit Zyrtar të Opinion.al
>> KËTU <<
               Publikuar në : 16:10 - 29/10/15 |
b.f

TIRANË- Prokuroria e Krimeve të Rënda ka kërkuar dënimin me 74 vjet burg për 5 të akuzuarit si pjesëtarë të grupi të strukturuar kriminal që dërgonin shtetas shqiptarë në mënyrë të jashtëligjshme në Shtetet e Bashkuara të Amerikës. Përkatësisht: 16 vjet burg për Nertil Privizin, 16 vjet për Fatos Faskon, 15 vjet për Enver Karajn, 14 vjet për Fatmir Bakallin dhe 13 vjet për Nikoll Kolajn. Përmes një njoftimi prokuroria bëri të ditur se ka mbyllur hetimet dhe ka çuar çështjen në gjykatë. “Veprimtaria e këtyre personave shtrihet që në muajin dhjetor të vitit 2013 dhe konsiston në organizimin e emigracionit të paligjshëm me destinacion SHBA-në. Personat që nisen me drejtim ShBA-në janë nga zona të ndryshme të Shqipërisë, por kryesisht nga zona e Shkodrës dhe e Malësisë së Madhe. E gjithë lëvizja e personave kryhet nëpërmjet dhënies së një pagese prej 25 mijë dollarësh”, ben te ditur prokuroria.

KOMENTO (0)

Shkruaj nje koment

    Pas