Gazeta satirike javore franceze, “Charlie Hebdo” ka goditur sërish. Në të janë botuar dy karikatura, ku tallen me tragjedinë ruse.
Karikatura e revistës satirike franceze është tallur me rrëzimin e avionit rus ku humbën jetën 224 persona. “Aviacioni rus ka intensifikuar bombardimet” shkruan një prej karikaturave. Ndërsa tjetra që ka tërbuar edhe më shumë rusët ka qenë “Rrezikshmëria e uhdëtimeve low cost ruse”.
Duke folur për këto karikatura, anëtari i Komitetit të Punëve të Jashtme rus, Igor Morozov tha se kjo është është blasfemi dhe tallje në kujtim të viktimave të rrëzimit.
“Është e palejueshme që të tallen me rrëzimin që ka ndodhur në Sinai. Kjo shaka e Charlie Hebdo është thjesht tronditëse. Një dhunë na kujton tragjedinë që ka ndodhur në zyrën e redaksisë [ Charlie Hebdo ] në janar 2015. Mua më duket se vetë gazetarët duan të provokojnë një dhunë të tillë “tha Morozov.
